1Ch 1:5-23 | CebAPD | STEP | Ang mga anak ni Jafet mao sila si Gomer, Magog, Madai, Javan, Tubal, Meshec, ug Tiras.

1 Chronicles 1:5-23

Ang mga Kaliwat ni Jafet

5 Ang mga anak ni Jafet mao sila si Gomer, Magog, Madai, Javan, Tubal, Meshec, ug Tiras. 6 Si Gomer may mga anak usab nga sila si Ashkenaz, Rifat, ^{▼▼Rifat: o, Difat.} ug Togarma. 7 Ang mga anak ni Javan mao sila si Elisha, Tarshish, Kitim, ug Rodanim. ^{▼▼Rodanim: o, Dodanim.}

Ang mga Kaliwat ni Ham

8 Ang mga anak ni Ham mao sila si Cush, Mizraim, ^{▼▼Mizraim: o, Ehipto.} Put, ug Canaan. 9 Si Cush may mga anak usab nga sila si Sheba, Havila, Sabta, Raama, ug Sabteca. Ang mga anak ni Raama mao si Sheba ug si Dedan. 10 May usa pa ka anak si Cush nga ginganlan ug Nimrod. Kini si Nimrod nahimong bantogan nga manggugubat sa kalibotan.

11 Si Mizraim mao ang katigulangan sa mga Ludhanon, Anamnon, Lehabnon, Naftunon, 12 Patrusnon, Caslunon, ug sa mga Caftornon ^{▼▼Caftornon: o, Cretenhon.} nga mao ang kagikan sa mga Filistihanon.

13 Si Canaan mao ang amahan ni Sidon ug ni Het. ^{▼▼Sidon… Het: Si Sidon mao ang kagikan sa mga Sidonhon ug si Het mao ang kagikan sa mga Hitihanon.} Si Sidon ang kamagulangan. 14 Si Canaan mao usab ang kagikan sa mga Jebusihanon, Amorihanon, Gergasihanon, 15 Hibihanon, Arkanhon, Sinhanon, 16 Arvadnon, Zemarnon, ug Hamatnon.

Ang mga Kaliwat ni Shem

17 Ang mga anak ni Shem mao sila si Elam, Ashur, Arfaxad, Lud, ug Aram. Ang mga anak ni Aram mao sila si ^{▼▼Ang mga anak… sila si: Kadaghanan sa mga Hebreo wala niini.} Uz, Hul, Geter, ug Meshec. 18 Si Arfaxad amahan ni Shela, ug si Shela amahan ni Eber. 19 May duha ka anak nga lalaki si Eber: ang usa ginganlag Peleg, tungod kay sa iyang panahon ang mga tawo sa kalibotan nabahin-bahin; ang ngalan sa iyang igsoon mao si Joktan. 20 Si Joktan mao ang amahan nila ni Almodad, Shelef, Hazarmavet, Jera, 21 Hadoram, Uzal, Dikla, 22 Obal, ^{▼▼Obal: o, Ebal.} Abimael, Sheba, 23 Ofir, Havila, ug Jobab. Silang tanan mga anak ni Joktan.